Dogry saýlanan hyzmatdaş üstünligiň gözbaşydyr

Biz barada

“Gül ülkäm” hususy kärhanasy ýurdumyzda görnükli we öz işine ussat hünärmenleriň gatnaşmaklarynda liftleri gurnamak we olarda hyzmatlary ýerine ýetirmek bilen meşgullanýan hususy kärhanalaryň biridir. “Gül ülkäm” hususy kärhanasy Türkmenistanyň Ykdysadyýet we ösüş ministrliginiň Edara görnüşdäki taraplary we maýa goýum taslamalaryny döwlet tarapyndan hasaba almak müdirligi tarapyndan 2013-nji ýylda hasaba alyndy we döredildi. Biziň hususy kärhanamyz döredilen ilkinji gününden başlap iş meýilnamasyny, özünde bar bolan ygtyýarnamalaryň çäklerinde gurluşyk işlerini hem-de hyzmatlary ýerine ýetirmek ugrunda, ýokary derejeli, bilimli we işinde ussat tejribeli hünärmenleri işe çekmekden başlady. Häzirki wagtda hem şeýle hünärmenleriň gatnaşmaklarynda Aşgabat şäherinde we ýurdumyzyň welaýatlarynda bir-näçe işleri amala aşyrýar. Biziň hususy kärhanamyz dünýä belli lift öndüriji kompaniýalaryň, öndürýän liftlerini we olaryň ätiýaçlyk şaýlaryny içgin öwrenmek bilen özüniň müşderilerine degişli maslahatlary bermek hem-de gerek bolan önümler bilen üpjün etmek işlerini amala aşyrýar. Bu ugurda ýokary derejeli hünärmenleriň maslahatlaryndan peýdalanylýar, netijede bolsa biziň müşderilerimiziň özlerine mynasyp hyzmatdaşy saýlap bilmekleri esasynda olaryň maliýa, ykdysady ýagdaýynyň tygşytlanmagyna, biziň bolsa işleri ak ýürekden iki tarapa hem bähbitli ýagdaýda ýerine ýetirmegimiz esasynda hususy kärhanamyzyň abraý derejesiniň ýene-de bir gezek ýokary galmagyna getirýär. Mundan başgada “Gül ülkäm” hususy kärhanasy özüniň mümkünçilikleriniň çäklerinde öz müşderilerine: - maslahatlary bermekligi, - liftleriň gurluşyklaryny amala aşyrmaklygy, - liftlere, hyzmatlary ýerine ýetirmekligi, - liftleri gerekli ätiýaçlyk şaýlary bilen üpjün etmekligi, arzan we ylalaşylan bahalardan ýerine ýetirmekligi hem teklip edýär.